gastar

1. v t

   Minguar a cantidade dunha cousa, especialmente dos cartos.

   Ex: Gastou os seus aforros en mercar o piso.

2. v t

   Empregar algo, para funcionar, outra cousa total ou parcialmente.

   Ex: Esa lavadora gasta moita cantidade de auga. OBS: Nalgunhas construcións omítese o complemento e adquire valor absoluto. Ex: Teño un coche que gasta moito.

   Sinónimos: consumir.
3. v t

   Deteriorar algo ou alguén unha cousa debido ao uso constante e repetido da mesma.

   Ex: Gastou os zapatos de tanto pasear cos amigos. O vento gastou as inscricións da pedra.

   Sinónimos: desgastar.
4. v pron

   Deteriorarse unha cousa debido ao uso constante e repetido da mesma.

   Ex: De tanto cargar o coche gastáronselle as rodas moi rápido.

Frases feitas

• Gastar palabras/a parola/moita parola. Falar en van.

• Gastar a pólvora en salvas. Facer algo inutilmente.

Refráns

• Á bula e ao caseiro, o mellar difieiro.
• Cada un estrica a pema ata ande a saba chega.
• Cada un extende a pema como ten a coberteira.
• Manter unha casa non o sabe senón quen o pasa.
• Ninguén extenda a perna máis do que a saba dea.
• Non lle vai nada mal ao que as madeixas pode gastar.
• Ó cabo do ano máis come o enfermo ro sano.
• O diñeiro foxe coma a auga dun regueiro.
• O diñeiro que máis nos fai aledar é o que se sabe gañar e o que se sabe gastar.
• Onde se gaña, gástase e, onde se gasta, gáñase.
• Onde tiran e non se pon, logo se chega ao fondón.
• Quen gasta e mente, a bulsa llo sente.