glándula

Célula ou conxunto de células illadas ou agrupadas nun órgano determinado con función secretora. Teñen a propiedade de producir unha ou máis substancias de tipo xeralmente hormonal ou enzimático que actúan fóra delas. Existen dous tipos de glándulas, con capacidade para sintetizar as súas propias secrecións: as glándulas endócrinas ou de secreción interna, carentes de canle excretora, pola que os produtos da súa secreción van parar directamente ao medio interno do organismo, normalmente ao sistema circulatorio do animal; e as glándulas exócrinas ou de secreción externa que posúen unha canle ou unha rede de canles a través das que verten as secrecións a unha cavidade corporal ou ben ao exterior do corpo do animal. Son exemplos de glándulas endócrinas a glándula suprarrenal ou a glándula tiroide e, de glándulas exócrinas, as glándulas sudoríparas ou as mamarias.

Cada unha das glándulas que secretan en gran cantidade substancias propias da célula, como a glándula apócrina a glándula mamaria ou a sudo-rípara da axila.

Conxunto de células que se sitúan no peritoneo do intestino dos oligoquetos e que extraen residuos do sangue para vertelos ao celoma.

Cada unha das glándulas cutáneas da abella que se sitúan en posición ventral no abdome e que secretan a cera para edificar a colmea.

Divertículo do oviduto de moitos animais ovíparos, como insectos, condroitios, réptiles e mamíferos monotremas, que secreta a cuncha dura do ovo destes animais.

Cada unha das glándulas propias dos insectos e dos crustáceos que secretan unha hormona, a ecdisona, indispensable para o inicio da muda nestes animais.

Glándula propia dos moluscos que secretan uns filamentos cos que estes animais se adhiren a unha superficie coma a das rochas ou a das cordas.

Glándula endócrina dos crustáceos que se sitúa na base do ollo, na que se almacena; a continuación libérase unha hormona inhibidora da muda.

Glándula de gran tamaño que se sitúa na base da cola (uropixio) da maioría das aves e que secreta un aceite co que impermeabilizan as plumas.

Glándula ou órgano sexual propio dos gasterópodos que, durante a primeira etapa da vida, funciona como un testículo e despois como un ovario.

Cada unha das glándulas de secreción endócrina que se sitúan entre os folículos ováricos ou os tubos seminíferos, e que secretan as hormonas femininas, ou as masculinas, respectivamente.

Cada unha das glándulas tubuloalveolares compostas que se sitúan na posición antero-superior e externa da cavidade orbitaria e secretan as bágoas. Son as que garanten a humidade que necesita o ollo.

mama.

Cada unha das glándulas propias dos mamíferos, os réptiles, os insectos e algúns miriápodos que secretan substancias ao exterior e que serven para establecer unha comunicación intraespecífica durante a época do celo, ou ben como mecanismo de defensa.

Cada unha das glándulas endócrinas que se sitúan arredor da tiroide e que secretan a hormona paratiroide (paratormona), que actúa no metabolismo do calcio e do fósforo. Localízase no pescozo de todos os vertebrados agás os peixes.

glándula pineal.

hipófise.

próstata.

Cada unha das glándulas que secretan a saliva no interior da cavidade bucal ou nas súas proximidades.

Cada unha das glándulas exócrinas que desembocan no folículo piloso ou directamente na superficie cutánea. Secretan o sebo que impregna a pel e os pelos.

Cada unha das glándulas dos arácnidos que se sitúan na parte ventral do abdome e que secretan unha substancia viscosa, ou seda, que, en forma de filamentos, lle serve para facer as arañeiras.

Cada unha das glándulas que se sitúan nas articulacións óseas e que secretan a sinovia.

Cada unha das glándulas exócrinas da pel que secretan a suor. Participan na regulación da temperatura corporal.

Cada unha das dúas glándulas de secreción interna situadas en posición retroperitoneal na parte superior de cada ril. Componse de dúas partes diferentes, desde os puntos de vista embriolóxico e anatomofuncional: a medula e a cortiza. A medula secreta adrenalina e noradrenalina. Na cortiza distínguense tres capas: a glomerular, a fascicular e a reticular, nas que se sintetizan os mineralcorticoides, os glucocorticoides e os andróxenos, respectivamente.

tiroide.

Cada unha das glándulas que se localizan nun gran número de animais, como peixes ou anfibios, e que lles serven para secretar substancias tóxicas que empregan para defenderse ou ben para atacar ou paralizar outros animais.

Conxunto de células que se dispoñen ao longo do oviduto do aparato reprodutor feminino dos platelmintos, os condroitios, os osteitios, os anfibios, os réptiles e as aves, e que secretan a envoltura nutritiva do ovo fecundado.

Cada unha das dúas glándulas dos crustáceos que se localizan na base das antenas e que teñen función excretora.

ovario.

testículo.