Golán, Altos do

Altiplano do extremo SO de Siria, situado ao L de Xordania e do mar de Galilea. Estiveron sometidos ao dominio turco durante catro séculos, pero trala súa fragmentación despois da Primeira Guerra Mundial integráronse no territorio de Siria, administrados por Francia (1923). En 1940, trala caída do mandato francés, quedaron baixo o dominio dos sirios. Conquistados polo exército sirio durante a guerra de 1948, despois do armisticio desmilitarizáronse, pero continuouse discutindo a súa soberanía. Ocupados por Israel durante a Guerra dos Seis Días (1967), permaneceron no seu poder ata que despois da Guerra do Yom Kippur (1973) a ONU enviou forzas que se interpuxeron entre ambos estados. Polo acordo de pacificación de maio de 1974 Siria recuperou unha parte dos Altos do Golán. En 1982 a parte dominada por Israel foi anexionada e colonizada unilateralmente, sen respectar as resolucións da ONU.