graduación

Acción e efecto de graduar ou graduarse.

Número de graos que ten algo, especialmente as bebidas alcohólicas.

Método educativo que agrupa os alumnos en seccións máis ou menos homoxéneas para que todos os seus compoñentes sexan capaces de asimilar as mesmas ensinanzas. Aparece dunha maneira clara no s XIX coa escola graduada. Hai que sinalar que múltiples investigacións pedagóxicas teñen posto de relevo as limitacións deste proceso metodolóxico, e por isto hoxe téndese a matizar esta metodoloxía facendo valer o principio da individualización didáctica.

Categoría dun militar no exército ao que pertence.