Güimil, casa-torre de

Construción situada en Segán (O Saviñao). A casa ten planta en forma de L á que se engadiu, ao outro lado do corpo máis curto, unha torre que lle outorgou ao conxunto a planta en forma de T. A torre conserva na planta baixa un pasadizo cun arco de medio punto que leva a un patio de servicio. Sufriu diversas modificacións e engadíuselle unha galería acristalada á fachada principal. A torre ten o escudo que estaba anteriormente na fachada. Conserva exenta a capela de planta rectangular.