Guzmán

Liñaxe nobre castelá orixinaria de Guzmán (Burgos). As súas orixes remóntanse a Ordoño I de Asturias, quen casou coa herdeira do castelo de Guzmán e tivo como neto a Rui Núñez de Guzmán (s XII), magnate da corte de Afonso VIII. No medievo, destacaron, entre outros membros, san Domingos de Guzmán e Leonor de Guzmán y Ponce de León (1311-1350), amante de Afonso XI, co que tivo dous fillos que iniciaron a dinastía ilexítima dos Trastámara e a liña dos Pérez de Guzmán. Entre os Pérez de Guzmán destacaron Fernán Pérez de Guzmán y de Ayala (?-1460), autor de Mar de Historias e de Generaciones y semblanzas, e Alonso Pérez de Guzmán , o Bo. Este alcume pasou posteriormente como apelido aos descendentes na liña dos duques de Niebla e Medina Sidonia, entre os que destacaron Alonso Pérez de Guzmán   y de Sotomayor , Enrique de Guzmán y Conchillos e o seu fillo o conde-duque de Olivares, Gaspar de   Guzmán y Pimentel .