hematoma

Retención de sangue no interior dos tecidos ou dunha cavidade orgánica. Normalmente é de orixe traumática.

Extravasación do sangue no pericondrio da orella.

Hematoma que aparece nun dedo espontaneamente ou despois dun esforzo. Está causado pola rotura dunha vénula dixital.

Hematoma localizado entre a duramáter e o periósteo. Aparece despois da rotura da arteria menínxea media ou unha das súas ramas. O hematoma, a medida que aumenta o volume, vai comprimindo o cerebro, de xeito que o enfermo, despois dalgunhas horas de recuperarse do traumatismo, volve presentar trastornos neurolóxicos que, rapidamente, poden levar ao coma e á morte.

Hematoma producido por un derramamento de sangue desde o cerebro, habitualmente por ruptura dun aneurisma ou dunha malformación arterial.

Hematoma situado entre a duramáter e a codia cerebral. Pode ser agudo ou crónico; neste último caso, os síntomas e os sinais aparecen despois de semanas ou meses de terse producido o traumatismo ou a lesión cefálica.