hemolinfa

Fluído do celoma dalgúns invertebrados que se comparou, erroneamente, co sangue e a linfa dos organismos superiores. Nos insectos é de cor verdosa ou amarela, pero nunca vermella, xa que non ten hemoglobina. Ten como funcións principais o almacenamento e o transporte de auga e substancias nutritivas por todo o corpo, a destrución de células estrañas e servir de vehículo dos produtos de desfeito ata os tubos de Malpighi, onde son absorbidos.