holocéfalo -la

Relativo ou pertencente aos holocéfalos.

Peixe da subclase dos holocéfalos.

Subclase de peixes, da clase dos condritios, que teñen o corpo fusiforme, rematado nunha aleta caudal longa e pouco aparente; as fendeduras branquiais están cubertas por un opérculo, e as mandíbulas teñen placas dentais; carecen de escamas. Son animais de costumes bentónicos e habitan normalmente a bastante profundidade, onde se alimentan de invertebrados. É un grupo pouco numeroso, de carácter arcaico, que inclúe formas fósiles coñecidas desde o Devónico. Nesta clase encontramos, por exemplo, o peixe rato (Chimaera monstrosa), que se pode atopar nos mares de Galicia.