imperfecto

(< lat imperfectu)

adx
Que non é perfecto ou non está completamente acabado ao carecer dalgunha calidade que debera posuír.
[LING]
1. s m
  Determinación propia dalgúns tempos verbais -en oposición ao de perfecto-, relacionada coa categoría verbal de aspecto. Dentro da básica distinción temporal da acción verbal en pretérito, presente e futuro, os tempos imperfectos ou imperfectivos indican a continuidade do proceso sen precisar o termo, en oposición aos perfectos ou perfectivos, que o expresan.
2. pretérito imperfecto de indicativo
  copretérito.
3. pretérito imperfecto de subxuntivo
  pretérito de subxuntivo.

Palabras veciñas