impresión

1. Calidade de impresionable.

2. 1. s f

      Acción e efecto de imprimir.

      Ex: A impresión dun libro é tan custosa como a dun disco.

   2. s f

      Técnica decorativa, empregada na cerámica e na ourivería, que consiste en usar un selo ou calquera outro obxecto en forma de tampón sobre a súa superficie.

   3. impresión dixital

      Sinal que deixa a punta do dedo marcada nun obxecto. Debido a que cada persoa presenta as papilas da derme diferentes, as impresións dixitais empréganse con finalidades de identificación.

   4. impresión muscular [ZOOL]

      Pegada que deixan os músculos nas cunchas, en xeral dos bivalvos, no seu lugar de inserción.

3. s f

   Efecto causado sobre o ánimo, especialmente vivo e fondo.

   Ex: Causáronlle unha grande impresión os desastres da guerra.

4. s f

   1. Opinión ou xuízo formado intuitivamente.

      Ex: A impresión que tiña sobre o tema era errónea.

   2. Opinión global que se ten sobre algo ou alguén.

      Ex: Pedinlle que me dera a súa impresión sobre a obra.

5. s f [FISIOL]

   Depresión na superficie dun óso.

6. s f [FISIOL]

   Excitación producida por distintas formas de estímulos (luminoso, táctil ou auditivo) sobre unha terminación nerviosa sensitiva.

7. s f

   Acción e efecto de impresionar.

Frases feitas

• Causar impresión. Atraer vivamente algo ou a alguén. Ex: A súa vestimenta causou impresión na festa.

• Dar a impresión. Producir algo unha sensación determinada.

• Ter a impresión. Ter unha sensación sobre algo ou imaxinarse algo.