información

Acción e efecto de informar ou informarse.

Noticia ou noticias que se queren coñecer.

Contido dun ou máis datos, nos que se fai abstracción da representación concreta que adopta.

Conxunto de caracteres hereditarios que se transmiten polos xenes.

Teoría matemática que trata a transmisión, o almacenamento e a transformación da información. Comprende todos os aspectos da comunicación humana e entre máquinas. Baseándose nos traballos de N. Nyquist e R. W. L. Hartley feitos entre 1924 e 1928, C. E. Shannon expuxo en 1948 unha teoría, chamada da comunicación, sobre a transmisión da información, que deu lugar a este apartado relacionado coa cibernética. Cómpre salientar igualmente as achegas de Gabor, Weaver, Wiener e Tuller.