infravermello -lla

Relativo ou pertencente aos raios infravermellos.

Rexión do espectro electromagnético que comprende o intervalo que vai desde a luz visible ata as microondas.

Banda de lonxitudes de onda que van máis alá do extremo vermello do espectro. Resultan invisibles para o ollo e só poden ser rexistradas cunha película fotográfica especial.

Radiación electromagnética pertencente ao espectro infravermello, descuberta por W. Herschel en 1800. Os raios infravermellos, caracterizados como portadores de calor radiante, son emitidos por calquera obxecto a temperatura superior ao cero absoluto. Os raios infravermellos empréganse polos seus efectos caloríficos, e tamén en fotografía e en sistemas de guía e detección.