insuficiencia

1. s f

   Calidade de insuficiente. OBS: Normalmente úsase en plural.

   Ex: As insuficiencias do centro provocaron novas denuncias.

2. s f

   Falta de suficiencia ou de intelixencia.

   Ex: A insuficiencia dese autor quedou demostrada no seu último libro.

   Sinónimos: incapacidade, incompetencia.
3. [PAT]
   1. s f

      Estado de inferioridade fisiolóxica dun órgano ou dunha glándula, incapaces de cumprir integramente as súas funcións.

   2. insuficiencia aórtica

      Perturbación cardíaca que consiste no refluxo sanguíneo da aorta ao ventrículo esquerdo cando as válvulas sigmoides aórticas durante a diástole ventricular non pechan completamente.

   3. insuficiencia auricular

      Estado de incapacidade funcional das aurículas do corazón en caso de fibrilación auricular.

   4. insuficiencia cardíaca/miocardia

      Diminución da capacidade funcional do corazón cando non chega a asegurar as necesidades de circulación de todas as partes do organismo. Pode ser esquerda, se falla este ventrículo, e global ou conxestiva, se ambos os dous ventrículos son insuficientes. OBS:Tamén se denomina miocardia.

   5. insuficiencia circulatoria

      Estado do organismo no cal é imposible manter o volume sanguíneo necesario para cubrir as necesidades circulatorias dos órganos e dos tecidos. Pode ter causa periférica (colapso, conmoción) ou central (insuficiencia cardíaca).

   6. insuficiencia coronaria

      Redución do fluxo sanguíneo das arterias coronarias que provoca isquemia no miocardio. Adoita estar provocada por arteriosclerose.

   7. insuficiencia hepática

      Incapacidade do fígado para levar a cabo as súas funcións.

   8. insuficiencia mitral

      Insuficiencia que se produce no momento da sístole ventricular esquerda cando o sangue, en lugar de pasar totalmente á aorta, reflúe parcialmente para a aurícula esquerda polo orificio mitral, deficientemente pechado.

   9. insuficiencia pulmonar

      Afección rara producida pola oclusión incompleta dos sigmoides pulmonares na diástole ventricular.

   10. insuficiencia renal

       Estado en que os riles están imposibilitados, nun grao máis ou menos elevado, para cumpriren as súas funcións específicas.

   11. insuficiencia respiratoria

       Fallo da función pulmonar de maneira que non pode proporcionar un recambio normal dos gases.

   12. insuficiencia suprarrenal

       enfermidade de Addison.

   13. insuficiencia tiroide

       hipotiroidismo.

   14. insuficiencia tricúspide

       Afección case sempre funcional caracterizada pola falta de oclusión da válvula tricúspide no momento da sístole do ventrículo dereito.

   15. insuficiencia venosa

       Defecto do retorno circulatorio nos vasos venosos, principalmente nos membros inferiores, que producen estase e edema.

Refráns

• Para mancha grande non hai xabrón que abaste.
• Un carro non anda cunha roda soa.
• Un só pau non fai sebe.
• Unba besta non fai feira.
• Unha andoriña soa non fai verán.