iroqués -sa

Relativo ou pertencente ao pobo iroqués ou a súa lingua.

Individuo do pobo iroqués.

Pobo indíxena de América do N que na época dos seus primeiros contactos cos colonizadores europeos habitaba no actual estado de New York, no val do río Mohawk e na rexión dos Grandes Lagos. Dedicábanse á agricutura e a súa sociedade era de tipo matriarcal. A unión das cinco tribos iroquesas máis importantes, coñecida como a Liga das Cinco Nacións, converteunos no principal inimigo dos colonizadores franceses e, posteriormente, dos ingleses e estadounidenses. A súa poboación concéntrase en reservas no estado de Oklahoma.

Lingua dos iroqueses.