Isidoro

Antropónimo masculino que procede do nome grego Isídoros ‘don da deusa Isis’, composto de Isis e doros ‘don, regalo’, latinizado en Isidorus. Forma parte da serie Artemidoro, Apolodoro, Teodoro e Doroteo. A orixe remota está en Exipto, por ser frecuente entre os gregos de Exipto e por aludir á deusa exipcia da protección materna e da fidelidade matrimonial máis alá da morte. A forma usual deste nome na época medieval era san Isidre, de onde vén o galego Sidro/Cidre. Destacan con este nome os santos Isidoro de Sevilla (560?-636), celebrado o 26 de abril, e Isidoro de Khíos (s III), celebrado o15 de maio.