inestabilidade

Calidade de inestable.

Situación da atmosfera terrestre en que as partículas de aire non permanecen estables. Orixina unha serie de movementos ascendentes das masas de aire compensados por outros descendentes. O inicio da inestabilidade pódese deber ao impulso de calquera perturbación, pola orografía, por unha achega de calor ou pola advección de masas de aire máis cálido.

Estado que, nun sistema elástico sometido a forzas de compresión lonxitudinais, só precisa unha acción externa infinitamente pequena para perturbar o equilibrio e provocarlle unha flexión.

Configuración, nun núcleo atómico, do seu estado enerxético que lle confire unha probabilidade non-nula de emisión radioactiva espontánea.