labio

(< lat labĭu)

1. s m
  Cada unha das partes carnosas que, situadas no bordo da boca, forman a súa abertura, tanto nas persoas como nos animais.
2. s m
  Órgano da fala.
  
  Ex: Dos seus labios sae todo.
  Sinónimos: beizo.
3. labio leporino [PAT]
  Defecto conxénito no labio superior que consiste nunha fendedura, resultado do crecemento desigual dos dous lados do labio superior. OBS: Tamén se denomina labio feso.
s m
1. Bordo ou beira dalgunhas cousas.
2. [ANAT]
  Cada unha das beiras da vulva. Hai dous tipos: os labios maiores, que son dúas pregaduras cutáneas, recubertas de pel e que delimitan a abertura vulvar, e os labios menores, que son dúas pregaduras mucosas situadas baixo os labios maiores e que protexen as estruturas vulvares profundas.
3. [ENTOM]
  Cada unha das pezas quitinosas, superior e inferior, que envolven o orificio bucal dos insectos.
4. [TECNOL]
  Aresta aguda e queimada dunha ferramenta ou dunha peza dunha máquina.
5. [MED]
  Beira dunha ferida.
s m [ARQUIT]
Rebordo da cesta do capitel corintio, sobre o que se apoia o ábaco.
s m [ZOOL]
Rebordo da cuncha dalgúns gasterópodos que adoita presentar unha cor distinta do resto e unha superficie lisa.
labio de falla [XEOL]
Cada un dos bloques separados nunha falla.

Palabras veciñas