Lacerta

Xénero de réptiles, da familia dos lacértidos, que presentan as extremidades ben desenvolvidas e escamas dorsais pequenas e granulares. Son animais terrestres, diurnos e con reprodución variable segundo as especies, xa que algúns son ovíparos, outros vivíparos (L. vivipara) e outros partenoxenéticos (en cinco especies sudoccidentais de Asia). En Galicia son comúns as especies L. lepida, L. schreiberi, L. vivipara e L. monticola.