Leccinum

Xénero de fungos basidiomicetos da familia das boletáceas que presenta o sombreiro gris pardo ou avermellado, o pé groso e comestible e os tubos do himenio soldados. En Galicia podemos atopar varias especies, como L. scabrum, que presenta basidios tetraspóricos, sombreiro entre gris e pardo, pé groso e comestible e que se atopa baixo bidueiras, L. oxydabile, con pé de cor azulada-verdosa, e L. durusculum, que se atopa baixo lamigueiros.