linfoma

Tumor formado a base do tecido linfoide ou adenoide.

Nome xenérico de diversos tipos de tumores malignos primitivos dos ganglios linfáticos ou doutras estruturas linfoides do organismo, que se caracterizan pola proliferación neoplástica dos linfocitos en graos diversos de maduración. Son uns tumores do sistema inmunitario que se poden orixinar tanto dos linfocitos T como dos B. Máis da metade corresponde á enfermidade ou linfoma de Hodgkin, o resto, denominados globalmente linfomas non hodgkinianos, diferénciase por criterios histolóxicos ou clínicos, como é a súa maior agresividade, o inicio multicéntrico, a tendencia a comprimir estruturas veciñas, e a posibilidade de invadir, xa desde o comezo, a medula ósea e o sangue periférico e converterse en leucemias. A súa causa é descoñecida, excepto o linfoma de Burkitt, que é causado polo virus de Epstein-Barr.