¹ lucio

Peixe teleósteo, da orde dos salmoniformes, duns 30-70 cm de lonxitude que ten o corpo alongado e recuberto de finas escamas, mandíbula armada de fortes dentes, unha soa aleta dorsal, situada moi atrás, as ventrais en posición abdominal e o fociño groso, longo e deprimido. É de cor verdosa con raias pardas. Habita nas augas doces. É orixinario de Europa central e occidental e foi introducido na Península Ibérica cara ao ano 1950.