Martiño/Martiña

Antropónimo que procede de Martinus ‘relativo ou dedicado a Marte’, nome romano derivado de Marte ‘deus Marte’. Presenta a variante Martín, forma proclítica na Idade Media. Dos hipocorísticos da forma masculina destacan Tiño, Tiñolo e Martiñoco. Deu lugar aos apelidos patronímicos Martínez, Martíns, Martís e Martín. Con este nome destacan san Martiño de Tours, que se celebra o 11 de novembro; san Martiño de Dumio, apóstolo dos suevos de Galicia, celebrado o 20 de marzo; e santa Martiña de Roma, que se celebra o 30 de xaneiro.