macela

Nome que reciben diversas especies dos xéneros Anacyclus, Anthemis, Chamaemelum e Matricaria, da familia das asteráceas.

Planta herbácea anual ou bianual, que presenta talos de ata 50 cm de altura, follas bipinnadas e flores dispostas en capítulos solitarios. Florece entre maio e agosto, e pode atoparse por toda Galicia.

Planta herbácea anual, de ata 60 cm de altura, que presenta talos glabros e erectos, follas alternas de cor verde intenso, divididas en lóbulos dentados e flores dispostas en capítulos redondos e froito en aquenio. Florece a partir da primavera en terreos secos e soleados e na marxe de camiños. É orixinaria de Europa. Emprégase como planta medicinal, principalmente polas súas propiedades dixestivas.

Planta herbácea perenne, aromática, que presenta talos de ata 30 cm de altura, follas alternas oblongas, bi ou tripinnatisectas e flores dispostas en capítulo pedunculadas. Florece entre xuño e setembro nos prados. É moi utilizada en infusión como tónico estomacal.

Planta herbácea perenne, que presenta talos de ata 80 cm de altura, follas alternas bi ou tripinnatisectas e flores dispostas en capítulos. Florece entre xuño e outubro na beiramar de toda Galicia.

Planta herbácea anual, de 20 a 50 cm de altura, con follas bipinnatipartidas, con capítulos de disco amarelo e lígulas brancas, e con froitos en aquenio. Medra nas beiras dos camiños e en terreos incultos da rexión mediterránea.