² macho

Mamífero híbrido, da orde dos perisodáctilos, que procede dun cruzamento do burro e a egua ou do cabalo e a burra. A causa da súa gran resistencia e da súa forma, superior ás dos seus proxenitores, é moi empregado para transportar cargas por lugares montañosos, difíciles e arriscados. A súa adaptación aos climas áridos e aos terreos pedregosos fainos insubstituíbles nos lugares secos de predominio minifundista, onde o tractor resulta antieconómico. Tanto o macho como a mula son infecundos.