Magno/Magna

Antropónimo derivado do nome persoal latino Magnus/Magna, testemuñado como cognome en época republicana, que deriva do adxectivo magnus ‘grande, forte, poderoso’. O xeneral romano Cneo Pompeio (s I a C) recibiu o agnomen de Magnus polos seus logros militares. Entre os santos que levan este nome figuran un mártir de Umbría (s III) celebrado o 15 de febreiro, un mártir de Milán (s III) celebrado o 6 de agosto e un bispo de Milán (s VI) celebrado o 5 de novembro.