mangabei

Primate do xénero Cercocebus, da familia dos cercopitécidos, de ata 80 cm de lonxitude, coa cola longa, prógnatos e cos incisivos grandes e fortes, que lles permiten alimentarse de sementes de cuberta dura. As súas meixelas son dilatables para acumular alimento e con calosidades isquiáticas. Viven en grupos, son bulleiros e comunícanse cun amplo abano de voces e gritos agudos. Presenta catro especies: C. albigena (mangabei de crista), que se distribue polo SL do Camerún ata o L de Uganda; C. aterrimus (mangabei negro), que vive no Congo; C. galeritus (mangabei áxil), que está presente na África oriental e C. torquatus (mangabei de colar branco), que vive no chan das selvas de Senegal a Gabón.