micrómetro

Unidade de lonxitude que equivale á millonésima parte do metro.

Instrumento para a medida de lonxitudes pequenas, especialmente a imaxe dada por un telescopio ou un microscopio. Os micrómetros dos aparatos astronómicos constitúense por unha rede máis ou menos complexa de fíos e liñas moi finas. A rede actúa como unha escala graduada colocándose sobre o plano focal do obxectivo, polo que as imaxes dos corpos celestes obsérvanse sobrepostas. Os micrómetros dos microscopios son análogos aos dos aparatos astronómicos.

Pálmer provisto dun transdutor electrónico que converte en sinal dixital a posición do caracol micrométrico respecto a un punto de referencia. Nun visualizador de pantalla de cristal líquido pódese ler a magnitude de dimensión medida.

pálmer.