mirmecofáxido -da

Relativo ou pertencente aos mirmecofáxidos.

Mamífero da familia dos mirmecofáxidos.

Familia de mamíferos desdentados, da orde dos xenartros, de corpo robusto e alongado, que acadan unha lonxitude total de 1,20 m. Desprovistos de dentes, o seu fociño presenta unha forma tubular, e a súa boca, pequena e estreita, contén unha lingua vermiforme. Son insectívoros e aliméntanse introducindo a súa lingua pegañenta nos formigueiros e nos niños das térmites. A familia comprende tres xéneros: Myrmecophaga (oso formigueiro), Tamandua e Cyclopes. Habitan en América, desde o centro do continente ata Arxentina.