moreira

Árbore do xénero Morus, da familia das moráceas, que presenta follas grandes en forma de corazón, dentadas e lobuladas. As flores dispóñense en espigas e as infrutescencias en sorose.

Árbore caducifolia, de ata 15 m de altura, que presenta codia agrisada, follas alternas con pecíolo longo, ovadas, dentadas ou lobuladas de cor verde clara e consistencia branda. As flores son pequenas, unisexuais e agrúpanse en espigas, cun froito vermello escuro. Florece entre abril e maio e é orixinaria de Asia.

Árbore caducifolia, de ata 10 m de altura, de follas con pecíolo, dentadas en forma de corazón, coas flores masculinas en amentos e as femininas en espigas e infrutescescencia con pedúnculos curtos ou sésil, de cor azul-violácea a negra. Florece entre marzo e xuño e é orixinaria de Asia. En Galicia está presente en parques e xardíns. Emprégase como planta medicinal polas súas propiedades analxésicas, antiinflamatorias e laxantes.