morónido -da

Relativo ou pertencente aos morónidos.

Peixe da familia dos morónidos.

Familia de peixes, da orde dos perciformes, moi próxima á dos serránidos, pero dos que se diferenza por presentar sempre dúas aletas dorsais, a primeira delas formada por radios espiñosos, o preopérculo dentado e unha coloración gris dominante. Son bos nadadores e habitan nas costas rochosas, nas praias e nos portos, así como nas augas salobres dos esteiros.