mustélido -da

Relativo ou pertencente aos mustélidos.

Mamífero da familia dos mustélidos.

Familia de mamíferos, da orde dos carnívoros, de tamaño medio ou pequeno, que presentan o corpo alongado e glándulas odoríferas moi desenvolvidas na zona do ano. Teñen patas curtas, orellas reducidas e presentan cambios na coloración da pel segundo as estacións. Esta familia inclúe especies típicas de terra firme, como o furón, o visón e a mofeta, e outras que se moven preferentemente por ríos e torrentes, como a marta e a londra.