negativo -va

(< lat negatīvu)

adx
1. Que expresa ou contén unha negación.
2. [LING]
  Aplícase ao termo, partícula ou negación que serve para negar.
adx
Que implica a negación ou a ausencia dunha cousa.

Ex: A proba da alcoholemia foi negativa.
adx
Que ten unha actitude pesimista e desfavorable sobre todo o que o rodea.

Ex: Non sexas tan negativo que todo sairá ben.
adx
Que resulta prexudicial ou nocivo.

Ex: O balance anual foi negativo para a empresa.
adx e s m
1. [IMAX]
  Aplícase á primeira imaxe que se obtén ao facer unha fotografía, en que os tons escuros e claros son opostos aos da realidade fotografada. OBS: Tamén se denomina clixé.
2. [ARTE]
  Aplícase á imaxe que reproduce a que se desexa obter de modo inverso.
adx
1. Relativo ou pertencente á electricidade negativa.
2. [FÍS]
  Aplícase á electricidade que se produce en corpos como a resina, a ebonita ou o plástico, ao ser fretados cun pano.
3. [TECNOL]
  Aplícase ao polo dun xerador eléctrico que é capaz de subministrar electróns ao circuíto exterior, como o ánodo dun xerador electroquímico.
adx [MAT]
1. Aplícase á dirección, á semirrecta ou á superficie, oposta á correspondente positiva.
2. Aplícase ao ángulo que ten o mesmo sentido ca o do xiro das agullas do reloxo.
adx [MAT]
1. Aplícase ao número e á magnitude menor ca cero.
2. Aplícase ao signo menos (-) que se emprega para designar os números negativos e as magnitudes negativas e para designar a operación de restar.

Palabras veciñas