Nimrud

Antiga vila de Asiria, na beira esquerda do Tigris, uns 25 km ao S de Nínive. O seu nome asirio era Calah. Fundada por Salmanasar I (1274-1245 a C), Asurnasirpal II (883?-859 a C) elixiuna como capital. Durante a época sargónida (700?-612 a C) debilitouse, por causa de Nínive, a capital, e a partir de 612 a C deixou de existir, a consecuencia do afundimento de Asiria. As escavacións descubriron unha acrópole con templos, unha importante biblioteca, palacios e unha vila exterior.