noite

1. s f [ASTRON]

   Intervalo de tempo que transcorre entre a fin do crepúsculo vespertino e o comezo do crepúsculo matutino. A noite vese, na tradición mitolóxica e relixiosa de moitos pobos e culturas, baixo un aspecto benéfico, de repouso, e ao mesmo tempo baixo un aspecto maléfico, como propia dos espíritos malignos. Para moitas cosmogonías a noite e as tebras son a orixe de todas as cousas. Na tradición oral recóllense ditos como: “O que cea e se vai deitar, mala noite quere pasar. Polo San Matías, igualan as noites e os días. Pola Santa Lucía tan longa é a noite como longo é o día. Non hai día sen noite nin noite sen día. De noite todos os gatos son pardos”.

   Antónimos: día, día.
2. s f

   Escuridade que vai desde o solpor ata o amencer.

3. s f

   Escuridade, tristeza ou confusión.

4. Boa(s) noite(s)

   Fórmula que se emprega para saudar durante a noite ou cando alguén vai para a cama.

Frases feitas

• Á noite/de noite/pola noite loc adv Durante a noite.

• Andar/estar/quedar ás boas noites 1 Ser alguén despistado ou torpe no que está a facer.

• Na noite dos tempos En tempos remotos.

• 2 Non entender aquilo do que está a falar.

• Da noite para a mañá. De súpeto, de repente.

• Facer noite nun sitio. Parar a durmir nun lugar.

• Noite cerrada/fecha/fechada/pecha/pe-chada. Noite completamente escura, cando xa desapareceu totalmente a luz do día.

• Noite e día loc adv Continuamente.

Refráns

• A noite fíxose para descansar e o día para traballar.
• A noite trae o consello.
• A noite, para andar, fai o camiño longo.
• Das nove ás dez deixa a noite para quen é.
• Desque se pon o sol, logo vén a noite.
• Deus fixo a noite para descansar e o día para traballar.
• Polas horas da noite anda a vida e anda a morte.
• Unha noite mala calquera a pasa.