Nummulites

Xénero de protozoos rizópodos, foraminíferos, da familia dos nummulítidos, que comprenden fósiles típicos da primeira metade da era Terciaria. Teñen forma de lentella, cun diámetro que oscila entre medio centímetro e seis centímetros. A estrutura interna básica consiste nun tubo enrolado en espiral, provisto de moitas paredes transversais que o dividen en pequenas celas comunicadas entre si.