Ocenebra

Xénero de moluscos gasterópodos, da familia dos murícidos, que presentan unha ornamentación moi prominente na que destacan as costelas avultadas e numerosas cristas. Nas costas galegas pode atoparse a especie O. erinacea, de ata 6 cm de lonxitude e de forma irregular, que habita en zonas de lodo, area ou rochas, desde zonas sublitorais ata profundidades duns 100 m.