ocre

Que presenta unha cor tirando a amarela ou vermella escura.

Cor terrosa, tirando a amarela ou vermella escura.

Nome xenérico dun certo número de materiais terrosos, pulverulentos, que se empregan como pigmentos. Están constituídos esencialmente por óxidos férricos hidratados, mesturados con proporcións variables de arxila e de area. Os ocres son amarelos, castaños ou vermellos. Xeralmente, os amarelos e os castaños son variedades de limonita (ocre amarelo), e os vermellos, de hematites (ocre vermello). Tamén hai outros ocres de cor máis ou menos amarela, como o de antimonio ou o de bismuto.