ocultación

1. s f

   Acción e efecto de ocultar ou de ocultarse.

2. s f [ASTRON]

   Paso dun astro próximo á Terra por diante doutro astro máis afastado, aparentemente máis grande e máis luminoso. Un caso frecuente e moi importante é o de ocultación dunha estrela pola Lúa. Neste caso, a medida dos instantes de inmersión e de emersión dan información sobre os movementos da Terra e da Lúa. Son tamén frecuentes as ocultacións dos satélites galileanos de Xúpiter polo propio Xúpiter.

3. s f [DER]

   Encubrimento dunha cousa que legalmente se debe manifestar á autoridade ou ao funcionario que o pregunta por razón do seu cargo.

Refráns

• Cando comía todo, a miña muller mo escondía: e agora que non podo comer, todo mo deixa ver.
• Co que te has de honrar, non o teñas detrás do lar.
• Debaixo da manta moito se esconde e moito se tapa.
• Quéimese a casa e non saia fume.