osteomalacía

Amolecemento do tecido óseo, provocado por unha deficiente calcificación da substancia ósea fundamental, que se manifesta pola fraxilidade, flexibilidade e deformidade dos ósos e por dores que se exacerban cos movementos. Ten como causas máis frecuentes a hipovitaminose D, as excesivas perdas renais de calcio e a resistencia idiopática á vitamina D. A variedade infantil denomínase raquitismo.