oviscapto

Formación típica das femias dalgúns grupos de insectos, como por exemplo os odonatos, os ortópteros e os himenópteros. É o órgano empregado para poñer os ovos nos lugares adecuados segundo os grupos (os odonatos nas plantas acuáticas, os ortópteros baixo terra e os himenópteros dentro de plantas e animais) e, polo tanto, está adaptado en cada caso como órgano perforador ou escavador.