palma

1. s f

   Parte flexora da man, que está comprendida entre os dedos e o pulso.

2. s
   1. pl [PLANTA]

      Nome que recibía antigamente a familia das arecáceas.

   2. [PLANTA]

      palmeira.

3. s f
   1. [BOT]

      Folla de palmeira, moi grande, pinnatisecta ou palmatisecta, e cun pecíolo ou raque robusto.

   2. [HIST/RELIX]

      Folla de palmeira considerada como símbolo de triunfo ou martirio. Foi levada por Xesús Cristo e os peregrinos ao entrar en Xerusalén, feito que se lembra coa procesión do domingo de Ramos.

   3. Folla de palmeira de cor amarela pola falta de luz, que se leva á igrexa con pólas de oliveira e de loureiro, para a bendición litúrxica do domingo de Ramos.

4. s f

   Ornamento en forma de folla de palmeira.

5. s f pl

   Acción de bater unha man contra a outra de forma repetida.

   Confrontacións: palmada.
6. s f

   Termo da xerga das palilleiras que corresponde á voz ‘zurcido’.

Frases feitas

• Gañar/Levar a palma. Obter un triunfo.