papiroloxía

Ciencia que estuda os papiros escritos. Forma parte da codicoloxía e da paleografía. Inclúe tamén os óstrakon e mesmo os pergameos atopados en escavacións. A papiroloxía divídese en antiga e medieval. A antiga máis relevante foi a grecorromana, especialmente a grega, que é a mellor representada, con miles de manuscritos. Ademais desta, comprende tamén os manuscritos xeroglíficos, hieráticos, demóticos, coptos e arameos, entre os que sobresaen os de Elefantina (s V a C). Da papiroloxía medieval, ademais dalgúns códigos e documentos merovinxios, os papiros máis importantes son os papais.