paralaxe

Ángulo que está formado polas dúas rectas que unen o centro dun astro e os dous extremos dun segmento denominado liña ou lonxitude de base. No caso dos astros que pertencen ao Sistema Solar, tómase como liña de base o raio ecuatorial da Terra, e a paralaxe denomínase paralaxe diúrna ou xeocéntrica. No caso de astros que non pertencen ao Sistema Solar, tómase como liña de base o semieixe da órbita da Terra, e entón recibe o nome de paralaxe anual. A partir da paralaxe dun astro e empregando só procedementos trigonométricos, pódese determinar a distancia do astro á liña de base.

Diferenza que existe entre a imaxe observada no visor e a rexistrada no obxectivo. Esta diferenza débese ao feito de que ambos os elementos non están situados no mesmo eixe óptico.

Ángulo que está formado polas dúas visuais que, desde dous puntos de vista diferentes, van dirixidas sobre un mesmo obxecto.

Erro de lectura que se comete ao ler a posición dun índice sobre unha escala graduada se a visual que se dirixe sobre o índice non é perpendicular ao plano da escala. OBS: A grafía <x> representa o son [ks].