parvo -va

1. adx e s

   Que ou quen manifesta pouca intelixencia e disposición.

   Ex: É tan parvo que nin sabe coller o autobús. Non che deu o recado o parvo do teu veciño?

   Sinónimos: idiota, matalote, palerma.
2. adx e s

   Que ou quen posúe unha capacidade intelectual pouco desenvolvida.

3. adx e s

   Que actúa sen malicia e non se aproveita das ocasións.

   Ex: É tan parvo que non quixo que lle regalasen o coche. Foi un parvo ao non aceptar ese traballo.

4. adx e s

   Que ou quen se asombra facilmente e non é capaz de reaccionar.

   Ex: Quedou parvo cando lle dixeron a noticia. Parecía un parvo sen saber responder ante as críticas.

   Sinónimos: aboubado.
5. adx

   Que resulta molesto ou inoportuno.

   Ex: Non te poñas parvo e deixa traballar á xente. Neste tempo as moscas están parvas e moito pican.

   Sinónimos: idiota.
6. adx

   1. Cousa ou feito propio dun parvo, sen fundamento nin base lóxica.

      Ex: Non fagas preguntas parvas.

   2. Que é absurdo e inxustificado e carece de sentido.

      Ex: Foi un fallo parvo o que provocou o accidente.

Frases feitas

• Facer/Pintar o parvo. Comportarse coma un parvo.

• Verse parvo. Levar moito traballo para realizar algo.

Refráns

• Anque son parvo, non tanto que non saiba cantas son catro.
• Burro sexa quen a burro protexa.
• Burro sexa quen ser burro queira.
• Cada día que amañece a recua dos parvos crece.
• Do que é parvo e non o sabe, Deus teña del piedade.
• Do que é parvo e non sabe, Deus teña piedade.
• Este mundo non é dos parvos e mais, por iso, hainos.
• Home papón, merece que lle canten o kirieleisón.
• Na terra e no mar afoga o que non sabe nadar.
• O que é burro, Deus o oi"ate.
• O que está acolleito cando chove, é ben parvo, se se move; e, se se molla, é ben burro se se anoxa.
• O que parvo vai á guerra, parvo volve dela.
• Parvo é o que pensa que outro non pensa.
• Quen aos vinte anos non casa e aos trinta non ten casa e aos corenta non é rico, ese é un borrico.
• ¡Alá vai, alá vai o burro tras de súa nai!