pasado -da

1. p reg

   de pasar ou pasarse.

2. adx

   1. Que xa aconteceu no tempo. Na tradición oral recóllense ditos como: “Tempo pasado que vén á memoria dá máis pena que gloria. Todo tempo pasado foi o mellor”.

      Ex: Fun ao cine a semana pasada.

   2. Que perdeu actualidade.

      Ex: Estas noticias xa están pasadas.

3. adx

   Que non está en boas condicións para consumir.

   Ex: O repolo está pasado e xa non vale para comer.

4. adx

   Que está moi asado ou frixido.

   Ex: O polo de hoxe está ben pasado.

5. adx

   Que non está engurrado porque se lle pasou o ferro.

   Ex: Leva unha camisa moi ben pasada.

6. s m

   1. Tempo que xa pasou.

      Ex: No pasado non había tantas comodidades como agora.

   2. Conxunto de acontecementos que tiveron lugar nese tempo.

      Ex: O pasado dun pobo é a súa historia.

7. s m [LING]

   1. Tempo verbal que sitúa a acción nun momento anterior ao presente. Pode expresarse mediante os morfemas verbais de modo e tempo (copretérito e pretérito: ama-ba, ame-5-i) ou mediante adverbios (onte fun ao teatro).

   2. pretérito.

Refráns

• Auga que pasou non move rodicio.
• Bocado comido non fai amigo.
• Coas augas pasadas non anda o rodicio.
• Con auga pasada non anda a moa.
• Con auga pasada non moe o muíño.
• Dime que fuches e direiche quen es.
• O ano pasado sempre foi mellor.
• O bebido é o seguro, que o que no xerro está quizais non se beberá / quizais se derramará.
• O pasado sexa pasado, xa que non volve pasar.
• O que vive de recordos vive entre mortos.