Pastor/Pastora

Antropónimo que ten a súa orixe no latín pastor, ‘pastor, pegureiro’, de pastus, ‘pasto’, derivado de pastum, participio de pasco, ‘apacentar, pacer’. Con este nome destaca san Pastor (s III), un dos santos máis antigos do culto hispánico. A súa festividade celébrase o 6 de agosto. A festividade da Divina Pastora celébrase en Galicia especialmente do 7 ao 12 de outubro, xunto con todos os domingos do mes.