pata

s f
1. Pé e perna dos animais.
2. Pé ou perna das persoas.
s f
Cada unha das pezas dun moble que o mantén en pé e en equilibrio, e que lle serve de punto de apoio sobre o chan.
s f [TECNOL]
Terminal metálica de diversos compoñentes electrónicos de semicondutores, como transistores e circuítos integrados, que permiten fixar o compoñente sobre a placa do circuíto impreso e establecer as conexións eléctricas coas pistas.
pata de cabra
1. Peza de buxo empregada polos zapateiros para alisar e puír os tacos do calzado.
2. Barra de ferro cos extremos planos e curvados en forma de uña que se usa para arrincar cravos ou como panca.
pata de galiña [PROTISTA]
Alga parda que presenta unha gran variabilidade, tanto no tamaño como na forma. Posúe unha consistencia de membranosa a cartilaxinosa, axilas redondeadas, ápices truncados e na superficie das ramas aparecen as estruturas reprodutoras con forma de avultamentos redondeados. Vive fixada por un disco, do que saen varios estípites estreitos que progresivamente se ensanchan e se dividen varias veces por dicotomía, nos rochedos das costas expostas, dándolle a estes lugares un áspecto característico. Desta alga extráese o carragheen.
pata de galo
Engurras diversas que, cos anos, se forman ao lado do ángulo externo dos ollos.
pata de ganso [ANAT]
Conxunto aponeurótico que está constituído polos tendóns inferiores do recto interno da coxa, o sartorio e o semitendinoso.

Frases feitas