patria

1. s f

   Terra ou país onde se nace.

2. s f [POLÍT]

   Concepto de nación ou unidade espiritual coa que se senten identificados os que naceron nunha colectividade determinada ou forman parte dela. O termo confúndese a miúdo co de estado-nación. Empregado orixinalmente como sinónimo de nación, no inicio do s XXI está desacreditado politicamente polas súas connotacións bélicas, totalitarias e racistas.

3. patria celestial [RELIX]

   Ceo ou morada de Deus.

4. patria potestade [DER]

   Obriga que teñen o pai e a nai de velar polos fillos, telos na súa compaña, alimentalos, procurarlles unha íntegra e plena formación, e representalos e administrar os seus bens durante a súa minoría de idade e sempre que non estean emancipados ou estea declarada a súa incapacidade.

Refráns

• A cada cal gústalle máis o seu curral.
• A terra onde nacín é a mellor para mino
• Ben está no seu niño o paxaro, como está cada un onde foi nado.
• Cada un no seu curral nunca se atopa mal.
• Mellor que onde naces, onde paces.
• Na súa terra ou o burro fala ou o burro omea.
• Non con quen naces senón con quen paces.
• O boi, onde pace; e o home, ohde nace.
• O home, onde nace; e o boi, onde pace.