pedir

1. v t

   1. Dicir a alguén o que se desexa que dea, conceda ou faga.

      Ex: Pediulle máis lambetadas. Pediume que lle lese a carta. OBS: Nalgunhas construcións omítese o complemento e adquire valor absoluto. Ex: Dixo que xa pedira para todos.

   2. Suplicar esmola.

      Ex: Pide cartos á porta da igrexa. OBS: Nalgunhas construcións omítese o complemento e adquire valor absoluto. Ex: Esa muller só pide para comer.

2. v t

   Expresar algo que se desexa.

   Ex: Só pido que teñamos boa viaxe. Unicamente pedía saúde.

3. v t

   Fixar o vendedor un prezo por un produto.

   Ex: Pide moitos cartos polo coche.

4. v t

   Solicitar o noivo permiso para casar coa noiva.

5. v t

   Necesitar unha cousa algo para o seu funcionamento ou perfección.

   Ex: Esta terra pide auga.

6. v t

   Esixir ou reclamar algo a alguén.

   Ex: Pídelle moitos resultados antes de tempo.

7. v i

   Rezar por alguén.

   Ex: Nas súas oracións pide por todos.

Refráns

• A moito pedir, pouco ofrecer.
• A ovella louzana pídelle la á cabra.
• Antes quera mercar, que rogar.
• Cada santeiro pide para o seu cargueiro / o seu santo.
• Como aquí estamos os dous, nin ti mo pides nin eu cho dou e, se cho pido e ti non rno dás ¡en que vergonza me deixarás!
• Contra o vicio de pedir hai a virtude de non dar.
• Deus non oe a quen non pide.
• Do que non pide ninguén se acorda.
• Encargos sen diñeiro non pasan do recadeiro.
• Hoxe é día de ¡Botade aqul, da!.
• Máis vale pedir que furtar.
• Máis vale salto de mata que rogo de hornes bos.
• Mellor é que non pidas o que, se cho pedisen, negarías.
• Mete o pidincheiro no teu palleiro e faráchese o teu herdeiro.
• Non hai cousa tan cara coma a que con rogos se acada.
• Non pidas á man allea, se a túa non vai chea.
• Non pidas de man allea, se a túa non vai chea.
• Non pidas o que negaches nin negues o que pediches.
• Nunca pidas a quen ten, senón a quen sabes que te quer.
• O mín, canto máis lle rogan, máis se enfoncha.
• Ó pedichón non lle teñas moita compaixón.
• Ó pedichón non se lle podre o pan no bulsón.
• O que anda a pedir, non anda a fuxir.
• Ó que che ha de axudar non lle vaias chorar.
• O que non chora non mama.
• O que pide non escolle.
• O que vai para pedir non vai para fuxir.
• O que vai pedindo, non vai correndo.
• Pedir para comer e pagar para pedir.
• Pedir sobrado para saír co mediado.
• Pide o mellor e espera o peor.
• Pide só o que has mester, se queres goberno ter.
• Quen pide o que non ha rnester, terá o que non quer.
• Quen vai pedir non vai a fuxir.
• Se queres coñecer ao que te quere ben, pídelle algo do que non tes e el ten.
• Se queres saber o que vale un ducado, pídeo emprestado.